Ferievikarar i Helse- og omsorgstenestene 2026

Har du lyst på ein spanande om meiningsfull feriejobb, der du får vere med i utviklinga av gode tenester og gje hjelp av god kvalitet til innbyggarane våre?

Søk på feriearbeid i Helse- og omsorgstenestene i Surnadal kommune!

Vi skal tilsette ferievikarar i:

• Bu- og aktivitetstenesta
• Heimetenesta
• Surnadal legeteneste
• Surnadal sjukeheim (alle avdelingar, samt vaskeri og kjøkken)

Vi bed om at du i søknaden prioriterer mellom einingane og at du skriv kor du kan tenkje deg å arbeide.
Frå menyen på høgresida i annonsen, kan du klikke det direkte inn i søknadskjemaet for den eininga du helst vil arbeide. Om arbeid i andre einingar også er aktuelt for deg, skriv du det inn i søknaden. Du treng ikkje levere inn søknad ved einingane.

Aktuell periode er frå mai/juni og ut august månad. Vi vil gjerne at du skriv i søknaden kor mykje og kor lenge du kan arbeide (samanhengande) i dette tidsrommet.

Aktuell kompetanse/kvalifikasjonar:

Sjukepleiar, sjukepleiestudent, vernepleiar, vernepleiestudent, hjelpepleiar, helsefagarbeidar. omsorgsarbeidar, assisistent. 
Anna helse- og sosialfagleg utdanning- og/eller studiar kan også vere aktuelt.
Legestudentar er velkomne som søkarar.

For arbeid i Heimetenesta og Bu- og aktivitetstenesta er det ein fordel å ha førarkort kl.B
Det er krav til å legge fram tilfredsstillande politiattest. Denne skal ikkje vere eldre enn 3 månader.

Vi ser etter deg som er engasjert i arbeidet og har evne til samarbeid med andre, samtidig som du er stand til å arbeide sjølvstendig.
Med tanke på nødvendig dokumentasjon av arbeidsprosessar og dialog med tenestemottakarar, er det viktig å vere stødig i norsk både muntleg og skriftleg.

Hos oss får du:

- opplæring og rettleiing

- kommunale tilsettingsvilkår og tarifflønn

- studentavlønning for høgskulegrupper med studie som er relevant for arbeidsoppgåvene

Du er velkomen til å ta kontakt med einingsleiarane ved dei ulike einingane for ein prat om ferievikariat:

Surnadal sjukeheim: Jenny Nordheim tlf 48209641
Bu- og aktivitetstenesta: Rakel Polden tlf 48054672
Heimetenesta: Rikke Schwabe Øie tlf 99315202
Surnadal legeteneste (Helse og familie): Ann-Elin Stenberg, tlf 95751762